Ginbuhat an 2-day training mahiunong han Early Childhood Care and Development (ECCD) in Emergency and First Aid Enhancement of Child Development Worker Core Competency, inatenderan han mga Day Care Workers han 61 nga barangays han syudad, kakulop nga adlaw, Hunyo 22.
“Iton City Government pinaage hit amon opisina hiton pag-implement hit Day Care Service Program we provide han technical assistance para magin maupay it iyo paghatag hin serbisyo magin knowledgeable kamo whatever nga mga knowledge and skills in order to give a better learning opportunities hit aton kabataan,” sumala kan Verena Amoyo, City Social Welfare Development Officer.
Nagin bisita naman hi Atty. Celestino Cabato, City Administrator, representante ni City Mayor Jose Ivan Dayan Agda, diin iya iginsumat nga pinaniniguruhan han syudad ha pangunguna ni Mayor Agda nga magin ordinansa an gin “propose” nga paghatag incentibo ha mga Day Care Workers nga senior citizens.
“The Mayor has been emphasizing nga it aton Child Workers must not at least as security of tenure, ig-institutionalize naton para pagbabalyo hit administrasyon, dire kamo tatanggalon, kay sayang man it mga trainings kun tatanggalon kamo, we have to see to it nga mayda continuity hiton iyo serbisyo ha barangay,” siring ni Atty. Cabato.
Hi Gleceria Palada, 73 anyos, Day Care Teacher ha Brgy. Canjaway, in 29 anyos na ha serbisyo, usa nga naglalaom nga makakatagamtam hino nga ihahatag nga insentibo kay tuo pa niya, kun diri hiya maupay magdara han kabataan ngan tangkod magserbisyo ha ira barangay, hiya in sinaliwanan na ha pagbarubalyo han administrasyon ha ira barangay.
