Ginbuhat yana nga adlaw, Hunyo 29, in paghag-id para han “Promoting Child Protection Through Mental Health and Psychosocial Support” nga ginpasilitaran han team ni Gilda S. Rodeles, RSW, SWO II, han City Social Welfare Development Office o CSWDO ha pangunguna ni Verena P. Amoyo, CSWD Officer kapartner an CoPe Inc., gindudumara ha Primea Hotel, Borongan City.
Nagin tagapagyakan han nasabi nga paghag-id hi Donabelle L. Abalo, Executive Director, han CoPe (Center for Empowerment and Development in Eastern Visayas, Inc).
An CoPe Inc. in usa nga Non-Government Organization ngan kabakyang han City Government of Borongan pag-implementar han Project Hangkop: Training of Advocates in Promoting Child Protection Through Mental Health and Psychosocial Support (MHPS) nga diin an founder hine an Terre Des Hommes han nasud Netherlands.
Sumala kan Abalo, dose (12) nga barangay an pilot area hine nga project sugad han Brgy. Bugas, Sta. Fe, Tabunan, Maypangdan, A, B, H, Balud, Campesao, Bato, Cabong, Lalawigan.
“Iton iya treatment hini nga project in dire pag-respond, pero pag-prebentar considering nga it aton dinhe area in prone to disaster, para di kita maura-ura han disaster dara hit aton vulnerabilities ginprepare kita dire la physically kundi mentally nga magin aware kita hit mga possible effect hit disaster. Ini nga aton partnership gusto gad namon mayda makita nga difference in the lives of children, tha parents, the communities and City Government of Borongan,” mensahe pa ni Abalo.
Hi Atty. Celestino Cabato, City Administrator han LGU-Borongan in nagin representante ni City Mayor Jose Ivan Dayan Agda nga inatender han nasabi nga aktibidad.
Iginlaygay naman ni Trisha Marie S. Palada, Registered Psychometrician, ngan CSWDO Staff, an mga topic maheunong han kun ano an “Mental Health”, “Introduction to Psychological First Aid (PFA)“, “Children’s reaction to stress Identifying children and caregivers who need PFA”.
Sering naman ni Rodeles nga an mga participante han duha ka adlaw nga paghag-id in tikang han duha (2) nga nanay, PWD, Faith- Based Community ngan Academe ha kada barangay han kabuleg nga 12 pilot areas ha syudad.
Magkakamayda pa ika-duha ngan ika-tulo nga batch hin sugad nga paghag-id an youth nga maatender ha masunod nga semana ngan susundan pa hin mga tatay nga partisipante kun diin kahuman han ginbuhat nga paghag-id hira in ma re-echo ha tagsa-tagsa nga ira barangay ngan hira in tatawagon nga Psycho-social Support/Psychological First Aider Team.
