Kasumpay han ginbuhat nga launching han Borongan City Satellite Pharmacies han upat nga Rural Health Units (RHU) kakulop, June 20, an RHU Maypangdan, Sta. Fe, San Jose ngan Lalawigan in magmamaharuharani na an panhatag han libre nga medisina ha mga molopyo.
“Natuman na an aton ginhihingyap nga programa, an Libre Medisina. Gamita ta ini para ine nga programa para maka ayuda gud ha mga tawo,” yakan ni Mayor Jose Ivan Dayan Agda ha kada RHUs nga iya gintambongan.
“Dako it am pasalamat kanda Mayor Agda, VM Emman Tiu Sonco ngan mga City Councilors nga ginlugsong na ha barangay an libre medisina,” siring ni Karen Afable, Punong Barangay han Brgy. Sta Fe.
Dugang pa nga nalipay an mga healthcare workers han mag anunsyo hi Mayor Agda nga tatagan hira hin multicab nga sarakyan para mas magin masayon pa an pagbisita han mga molopyo ha kada barangay nga ira nasasakupan.
Presente han launching hi Dra. Rowena Agda, first lady han syudad, kun diin iya gintagusya an City Pharmacy han dekalidad nga mga medisina ha mga satellite RHUs.
“Nakakaproud!” yakan ni SPM Dr. Katrina Anacta Sadac, “Branded pa!” pulong naman ni VM Emman Tiu Sonco.
Tinambong han launching hi SPM Glaiza G. Tiu ngan mga Punong Barangay han kada satellite pharmacies.
#LibreMedisina #BoronganonDisiplinadoAko
