Nagkatitirok an mga Irrigation Association (IA) President han syudad han Borongan, kaupod hi Engr. Simplicio Aculan, Macario Gabornes Jr., City Agriculturist, Agricultural Technologists ngan mga representante han City Engineering Office, yana nga adlaw, Abril 28, ha DA Compound, Barangay Pepelitan, Borongan City.
Ini in para han pinaka-una nga CIS Operation and Maintenance (O&M) Assessment and Planning ha bug-os nga Eastern Visayas.
Ha nasabi nga aktibidades, nagpahayag an lima nga IA Presidents han sitwasyon ug estado han mga CIS han syudad nga nahimumutang ha Barangay Surok, Barangay Sta. Fe, Barangay Balacdas, Barangay San Jose, ngan Barangay Cagbonga, kun diin nahibaruan nga an rason han waray kahigamiti nga mga CIS in dara han mga nasunod: kakulangan han mga drainage ngan tagaytay; ruba nga mga lateral kanal; kawarayan hin makukuhaan o mapapalitan hin ‘good seeds’; ngan hataas nga presyo hit pampataba (fertilizer). Labi na hini nga mga butang an kakulangan hin pondo para ig-mintinar ngan tuhay nga magamitan an mga CIS.
Dayon naman nakapag-hatag an Mayor’s Office, City Agriculture Office, City Engineering office ngan hi Engr. Aculan, hin mga suhestyon ug rekomendasyon nga makakabulig ha mga IA hiton pagpa-upay hit ira tagsa-tagsa nga CIS, sugad han mga masunod:
1. CIS Improvement Program
2. Cropping Calendar and Pattern of Planting for Dry Cropping Season
3. Water Delivery and Distribution
4. Farm Level Facilities
5. Irrigation System Maintenance
6. Revision/Improvement of IA Financial Budget; ngan
7. Agricultural Support and Production Services
“Mayor Agda accepted this project not just for the City to have fully functional CIS, but for Borongan to be known as the “Food Basket” of Eastern Samar, to have hydroelectric power plants or hydropower systems and to have access to potable water,” pahayag ni Engr. Aculan.
Tikang han pagkarawat han LGU Borongan hini nga proyekto tikang ha National Irrigation Authority (NIA), in dayon ginplanohan an pagbubuhaton nga mga pitad para magkamay-ada maupay nga CIS nga magagamitan han syudad labi na han mga parag-uma.
#DukwagAgrikultura
