Nan-mati ug nahibaruan hin maabot 200 nga mga kabatan-unan (youth) in pira nga mga pagtoron-an (subjects) nga ira mahihimo nga giya ha ira produktibo nga pagtubo.
Durante ini han primero pala pagbubuhata nga gintig-ob nga “forum”, kun tawagon, “First Youth Organization & Sangguniang Kabataan Leadership Summit,” nga gindumara ha Ibabawnon Hall, ESSU Campus, brgy. Maypangdan, Borongan City.
Una hini, igin-paangbit ha kabantan-unan, ni TSgt Romeo Palisoc han 78th “Warrior” Battalion, an kahimtang hin usa nga lugar nga nasulod na an panhuna-huna han mga tawo han walhon nga idolohiya (ideology) ngan kun paunan-o ba na i-ingganyar an sugad ha ira nga kabataan nga bumulig han rebelde nga kagiusan, “CPP-NPA-NDF Infiltration,”
Kan Atty. Philip Evardone naman iginpaangbit an impormasyon han mahinungdanon nga papel han kabatan-unan ha pagpapa-ursa han katilingban, “The Role of Youth in Nation Building”.
Hibabroan naman ha negosyo o “Youth Enterpreneurship”, an iginpa-angbit ni Sangguniang Panglunsod (SP) member, Hon. Zen Daza.
Iginpabati naman hi City Mayor Dayan Agda an dako nga importansya han sugad nga katitirok han kabataan kay too pa niya, komo mga lider han ira hugpo (sector) kaangayan nga magin aktibo hira han pag-gios komo tulay, tika ha ira barangay ngadi han goberno syudad, agud hibatian nira nga mga opisyales kun ano an mga arungot han kabataan ha barangay. Agud matagan man ine hin haom (appropriate) nga desisyon ug aksyon.
Labot la kan Mayor Agda, presente gihapon dida han programa hira SK Federation President May Lanie Anacta, Vice Mayor Emmanuel Tiu Sonco, mga membro han SP: Hon. Lyra Gel Limbauan, Hon. Rozene Daza, Glaiza Tiu, Dr. Anna Katrina Sadac, Atty. Kathlyn Jane Cainday, Hon. Kurt Ryan Ty, Engr. Melcho Arago ngan Hon. Glenn Escoto.
Inatenderan an nasabi nga aktibidades han 61 nga SK Chairmen, mga tinaglawas han 40 nga iba-iba nga Barangay Youth Organizations ug mga tinaglawas han 61 nga barangay han syudad han Borongan.
Dugang nga nagrisyo an nasabi nga katitirok tungod han mga presentasyon nga sayaw han grupo hjn youth members nga Fierce Movers han Northern Barangays.
#BoronganonDisiplinadoAko
