Gin-aadman na han mga doktor han City Health Office ug City Legal Office, kun pati unan-o, an pagduhol han libre nga medisina ha mga magki-kinahanglan nga Boronganon.
Dida hin usa nga meeting han mga doctor, ginka-sarabutan, nga an hinsasakupan nga mga tawo han unom nga mga rural health units o RHU: han Sta. Fe., Maypangdan, Songco, Lalawigan, Benowangan ug San Jose, in, ha City Hall la anay nga parmacia, makuha han ira libre nga medisina, samtang nagtitikang pala an programa.
Nagdesisyon naman hi City Mayor Jose Ivan dayan Agda nga, basi dire na mag-pinan masahe nganhi ha sawang an mga magpapahimulos han libre nga medisina han syudad, titinguhaon niya, nga an liaison officer nala han kada RHU an madulhog pagkuha han iginlista na nga daan, nga mga medisina ha tagsa-tagsa nga RHU.
Importante la, nga magpapa konsulta anay an kada tawo ha ira mga doktor ha ira mga RHU, kay hira manta an magdi-diterminar kun ano nga klase hin medisina an haum, han ira gin-aabat, ngan ha ihahatag didi ha parmacia nga hikikit-an ha sirong han City Hall.
An kanan siyudad mga RHU doctors in gin-uupdan kanda Dr. Bernadette Galacan han Sta. Fe; Dra. Katrina Carmel Rapada-Velasco han Maypangdan, Dr. Daisy Sacmar han Songco, Dr. Patricia Bernadette Apita han Lalawigan, Dr. Raul Villanueva han San Jose ngan Dr. Kelly Cainday han Benowangan.
An “Libre nga Medisina” nga programa in posible na mag-abre yana nga ti-arabot nga Septyembre 7 o 8. #
#BoronganonDisiplinadoAko
#DukwagAgrikultura
