Komo inisyal nga aktibidadis para han implementasyon han Livelihood Intervention, gintitikangan na an konsultasyon ngan Profiling han 9 nga RCSP barangay pinaagi han Poverty Reduction Reduction Livelihood and Employmement Cluster (PRLE).
Han nakalabay nga semana, an 6 nga barangay sugad han barangay Banuyo, Pinanag-an, Baras, Benowangan, Hebacong ngan San Mateo in sunod-sunod nga gin bisita han TESDA, 78IB han Philippine Army, DTI, PIA, ngan han LGU-Borongan pakipaghiruhimangraw han mga prayoridad nga mga pakabuhi. Tuyo daman nga makuha an datos anu nga programa an ihahatag han mga ahensya nga naupod mahitungod han pakabuhi.
Ha Barangay San Mateo, ginsumatan ni Sue Banes han TESDA ESPO an mga nagatindir nga mayda 2 nga scholarship training program an maihahatag ha ira.
“Dinhi ha San Mateo, 2 nga schloarship programs nga mayda 25 nga slots kada pamilya para magsasrahid, in matatagamtaman niyo. Kun anu nga programa in ihahatag depende ini han magawas han profiling kun anu nga pakabuhi an iyo prayoridad,” siring ni Banes.
Sobra naman nga nagkakalilipay an mga nag atindir hibaro nira nga libre iton mga materyales ngan kagamitan hiton program pag abot. Usa pa hira daw in mayda allowance nga matatagamtaman sakob han pira ka diyas nga paghag-id.
“Gililipayi kami nga an yakan han amon city mayor panginanu han mga barangay sugan han San Mateo in yaanhi na, inaabat na namon. Sige na it amon pakatagamtam hin mga ayuda tikang hin iba iba nga ahensya han gobyerno,” yakan ni Henry Caballa, an Punong Barangay.
Positibo naman nga naghuhulat an mga taga barangay para han masunod nga pitad kahuman hira in ma assess han ira mga karuyag nga pakabuhi mahitungod han program han Dukwag Agrikultura kun diin gin tagan hin mga kasalagdunan uunanon pinaagi kan Melba Casillano an representatib City Agriculturist Office.
Presenti han nasabi nga katitirok hi SSG Melchor Cata-ag, han 78IB kun diin iya ginpasalamatan an mga tawo pagkarawat ha ira paghatag hin seguridad han ira barangay.
Nahuman an miting pinaagi hin damu nga pakiana mahitungod han mga program han gobyerno pinaagi han open forum.
#BoronganonDisiplinadoAko
