Gintikangan na han local nga mga opisina han DILG ha barangay San Gabriel, an ira paghag-id han mga tawo ha mga barangay, kun paunan-o nira huhurmaon an Barangay Development Plan (BDP), usa liwat ini ha mga ginduduso ni Mayor Jose Ivan Dayan C. Agda para matutduan it mga opisyales ha kabarangayan nga makahimo hin eksakto ngan maupay nga mga development plan para ha ira mga mulopyo.
Usa an Barangay San Gabriel han mga ginkilala nga panguna nga mga barangay nga target hine nga programa han DILG.
Sumala kan Engr. Nida Dela Cruz han Provincial DILG, tuyo daw hini nga programa nga matotdoan an mga taga barangay han pagkilala, pagplastar ngan pag presentar han ira pangunahon nga mga proyekto nga gumikan na ngahaw han ira ginbuhat nga pag estudyar.
Sugad man, gintototdoan gihapon hira han pinaka epektibo nga sistema ug paagi han pagpatuman han mga proyekto, nga may panuyo, mapaursa an ira mga lugar.
Dugang pa niya, nga makikita ha paghag-id an mga kal-ang nga kinahanglan hikilal-an kay importante ine ha pagpatuman han lima nga proyekto sugad han “development sectors”, han social, economic, institutional, environment ngan infrastructure.
Pulong naman ni Gemma Amit, CLGOO han syudad, maiirestoryahan daman ha nasabi nga paghag-id an mga isyu ngan arungot han barangay nga wara pa kababaton para hira mabuligan ngan matagan hin solusyon.
“Ini in subay liwat han “Mandanas Ruling” para hit sunod nga tuig kun san-o, magkaka may ada na supisyente nga malon nga pondo an mga barangay, tikang han kita han kanan goberno nasyonal nga buwis.”
Dugang pa ni Amit nga bisan kun siyam la nga barangay plano unta nga uunahon hine nga programa, tinikangan sunod nga tuig, ubos daw tototdoan hit DILG ug waray daw papa bay-an nga barangay, hine nga Retooled Community Support Program (RCSP),” sering kan Amit.
Apesar han ginbuhat nga paghag-id nga ginhatag han Provincial DILG, daw mahisusumpay nga an ira nakuha nga hibabro, hadto han linabay pala nga bulan han Nobyembre, nga paghag-id gihapon han 61 nga barangay pinaagi kan Mrs. Amit ngan han pondo kanan paghag-id ni Mayor Jose Ivan Dayan C. Agda.
Kabulig an core team han syodad an iba iba nga department heads ha pag representar han iba-iba nga sektor.
Usa han core team nga nagpasilitar han parte han Economic sector o an pamakabuhi amo an pinangunahan ni Macario Gabornes han City Agriculturist Office.
Siring niya, oportunidad an iya pag-atinder hini nga pagtutdo ha barangay level para hiya makapag-desisyon ha pagtugkop han iya mga proyekto ha opisina ngan an Dukwag Agrikultura flagship program ni Mayor Jose Ivan Dayan C. Agda ngada ha barangay.
Ginlalauman naman han team nga kahuman han paghag-id, makikita na, an kaulangan han barangay para matagan solusyon o kabatunan yana nga tuig.
Inabot hin 27 an inatender han nasabi nga paghag-id tika han mag ka lain lain sektor han komunidad. #
#BoronganonDisiplinadoAko
