Kabataan pa, pero mga pagal na an lawas hin pagpakabuhi, ngan kulang na an oras para han ira, pag-eskoyla, bisan pa, pagpahalibway.
Sugad an pagkilala han United Nations Children’s Fund (UNICEF) han kabataan, nga mga Child Laborers, nga nakapatik gihapon ha kanan Child Labor Act nga iginpapatuman han Department of Labor and Employment (DOLE)
An Child Labor, sumala han UNICEF in supak han kanan bata katungod nga magka ada panahon para han iya pag eskoyla, ug pag-pahalibway.
Ugaring, tungod han kapobrehan hin pira nga pamilya, napo-pwersa in pira nga mga kag-anak, nga pabuligon an iba nira nga anak ha ira pagpakabuhi.
An iba naman nga bata in boluntaryo nga nabul-iw ha ira pag eskoyla agud makabulig han ira kag-anak ha uma, ug ha iba nga ginpapaka buhian.
Salamat nala han kanan goberno mga ahensya nga mayda programa para han mga Child Laborers, sugad han DOLE.
Ginkikilala han UNICEF, nga adton kulang pa hin dise-8 an pangidaron, amo manta an bata, o “menor de edad”, ug adton sobra na hin dise-otso, kundi, waray niya personal nga kapas, para atamanon ug protektaran an iya kalugaringon, kontra han mga pan-yubit, pag-abusari, ug mga tampalasan.
Han linabay pala nga adlaw, gintagan ayoda han DOLE Provincial Office, in pira nga pamilya han Borongan, nga myda mga anak nga gin-kilala niyan han tuig 2019, ha usa nga pag-aram han DOLE, nga mayda mga anak nga Child Laborers.
Pito (7) ka sako hin bugas, usa nga timbangan ug mga plastic bags, an iginhatag nga ayoda ha lima (5) nga pamilya ha pira nga barangay han syodad han Borongan, nga myda Child Laborers.
Sumala kan Jude Forteza, Community Facilitator han DOLE, ira daw gin klaro ha mga benepesyaryo nga pamilya, nga, ine nga hinabang nga bugas in may panuyo nga igbaligya, o ig ” buy and sell” agud magkaada pangita an pamilya, nga waray igin- puhonan nga kantidad.
“Salit angay nira ine parib-hungon, paursahon, padamoon, kay, waray na hine masunod nga sugad nga ayoda han goberno, pinaagi han DOLE,” sering kan Forteza. “Ngan, pinaka importante, pabalikon an ira bata han pag eskoyla,” dugang pa han tinaglawas han DOLE-ESamar.
Sumala han mga kag-anak, nga hira Fe Capito ug Loida Apura, han barangay Bato, “dako an ira pag-pasalamat ha DOLE ngan han City Government han Borongan kay daku daw ini nga bulig ha ira, urog na yana nga panahon COVID19 Pandemic.
Igin paabot naman ni City Mayor Jose Ivan Dayan C. Agda, an iya dako nga pasalamat ha DOLE, han sugad nga hinabang ha pira nga magkurihay an kahimtang nga pamilya, sakop han syodad.
Sumala ha iya, yana nga, ginbabaluran pa kita, tungod hine nga pandemic, dako nga butang, nga myda mga opisina ug mga organisasyon nga nabakyang han mabug-at nga ginpa-pas-an han mga goberno lokal, labi an kapobrehan. #
#BoronganonDisiplinadoAko
