Igin-intriga yana nga adlaw an bag-o nga kalsada ha barangay Amantacop, nga ginkilala usa nga prayoridad nga proyekto, tungod han makure anay, nga aragian tipasulod han barangay.
Labot han hadto anay hataas nga dalan, nagtatamod pa ine hin sapà, nga naghahatag hin kadelikadohan, labi na ha mga kabataan katigurangan ug mga burod.
Kundi yana, pwede na makasulod it sarakyan hin masayunay, labi na an komon nga sarakyan han tawo, an tricycle.
Panuyo man gud han administrasyon ni City Mayor Jose Ivan Dayan C. Agda, nga matagan hin de kalidad nga serbisyo publiko an mga Boronganon, kay sumala pa ha iya, takos kumarawat an iya mga tawo hin maupay nga pag-atiman tikang han ira goberno.
Pinangunahan ni Mayor Agda an pag-intriga han bag-o nga kalsada ha Amantacop ngadto han ira punong barangay, Nilo Baleña, inupdan ni Vice-Mayor Emmanuel T. Tiu Sonco, upod an mga brgy. kagawad.
Gintikangan an ceremonyas hin pagbendisyon ni Rev. Fr. Cristian Ofilan, gan Borongan Diocese.
Presente ngan tinambongan ini han mga Sangguniang Panlungsod Members: Hon. Rozene Daza, Hon. Lyra Gel Limbauan, Melcho Arago, Hon. Kathlyn Cainday, Hon. Byron Suyot, Hon. Anna Katrina Anacta-Sadac, Hon. Glaiza G. Tiu, Hon. Kurt Ryan R. Ty, Hon. Renato Bagacay, Hon. Glenn Escoto, ngan anay konsehal Victor Franco, inatender liwat hira City Engr. Lucito Afable, city Engr. Elmer Dulfo ngan city Assesors head Mansueto Tabinas.(YP, YZ, MC)
#DukwagAgrikultura
#LibreMedisina
#BoronganonDisiplinadoAko
