Ginbuhat an 33rd Civil Registration Month ha ilarom han Proclamation No. 682 nga pinirmahan han anay Presidente Corazon C. Aquino han Enero 28, 1991 kun diin igindeklara an kada bulan han Pebrero kada tu-ig in magigin Civil Registration Month o CRM, yana nga adlaw, Pebrero 2,
An nasabi nga aktibidad in tinambungan han pira nga empleyado han Philippine Statistical Authority Eastern Samar Provincial Statistical Office ha pangunguna ni Ronnie A. Bajado, Chief Statistical Specialist ngan Local Registry Officers han mga munisipyo ug syudad han Eastern Samar.
Nagkamay-ada hin motorcade antes magtikang hin haliputay nga programa nga gindumara ha PSA Provincial Statistical Office-Eastern Samar, nahemumutang ha J.B Japson, Circumferential Road, Brgy. Balud, Borongan City. nahemumutang ha J.B Japson, Circumferential Road, Brgy. Balud, Borongan City.
“I am encouraging you that the target must be meet prior this CRVS, so the target for 2024 is 99.9%, all inhabitants, all constituents must be registered, so of Eastern Samar we have 6000 target before, but it will added, madudugngan iton this year 2023, I think we receive more than 10,000 again. Our problem is hain dawla it hira nga social sector nakapuyo, hain it dapat mabilngan, so iton makakabuling hiton hi kamo nga Civil Registrar, so we will be asking you to exert more effort to identified those areas nga waray pa talaga,” mensahe ni Mr. Bajado.
An yana nga 33rd Civil Registration Month in may-ada tema nga “PSA @ 10: Providing Efficient & Effective Civil Registration & Vital Statistics through Digital Transformation”.
Ginpapahibaro naman han City Civil Registry Office han syudad han Borongan nga nakarawat na hira hin mga aplikante ngan mga rekisitos para hin Free Registration sugad han Live Birth ngada hit Pebrero 28, salit gin-aaghat an mga waray pa maka-rehistro nga singabuton ini nga oportunidad hadton dire pa nakaka-rehistro.
Nakarawat liwat hira para han mga aplikante han Marriage License para hit nakatalaan pagbuhaton nga Mass Wedding o Kasalang Bayan ha tipadaraon nga Charter Month Celebration han syudad ha bulan han Hunyo 2023.
An nasabi nga Free Registration in libre para han mga kabaraydan o fees nga sakop han syudad.
