Gintagan hin pasidungog han City Government han Borongan an tulo (3) nga ‘retirees’ han syudad han yana nga tu-ig 2022, ini in hira Rebecca G. Solidon, Jesus B. Amboy ngan Ermelinda R. Gavilan, yana nga adlaw, Desyembre 29, gindumara ha SP Session Hall. Pinangunahan an nasabi nga aktibidad han opisina han City Human Resource Management Office ha pangunguna ni Lorna Caballa, CHRMO Head.
An mga service awardees in nakakarawat hin plaque of recognition, lei necklace ngan grocery items tikang ha LGU-Borongan ngan tinagan hira hin pasasalamat ngan pagrekognisar han mga opisyal han syudad ha ira mga maupay nga nagin kontribusyon nga buhat samtang nakada pa hira ha serbisyo.
“Makalilipay nga it aton City Government nagkakamay-ada hin sugad nga activity honoring our retirees ngan maupay in hiya nga program tungod nga tinagan ta hin value an trabaho han aton mga empleyado, let us institionalize this, dire la hit mga retirees even mayda ta Employee of the Month, who among employees an naka- perfect attendance, nga makakahatag hin motivation ug recognition and its part of our personnel plan kasi dako it hiya nga bagay ngan aside from that we need to come up an ordinance nga mahatag daman cash award especially hit retirees sugad nga mayda tana airport pwede tagan roundtrip free airfare, Borongan-Manila,” mensahe ni City Mayor Jose Ivan Dayan Agda.
Presente liwat hi SPM Victor L. Franco, SPM Sergio Gilberto C. Escoto III ngan pira nga mga department heads han City Government.
#BoronganonDisiplinadoAko
