Maabot hin 26 ka-team an tinambong han 3rd Regional Huplag Beach Soccer Tournament tikang ha iba-iba nga lugar han Eastern Visayas yana na adlaw, Setyembre 17, 2022 ha Baybay Boulevard, Borongan City.
An tournament in mayda upat nga kategorya; women’s open, men’s open, under 17 ngan under 18, nga diin kada kategorya in may-ada hin upat ngada hin siyam nga team nga nagpartisipar.
Buwas, adlaw han dominggo in matatabo an semi finals ngan finals o championship games para han upat nga nabanggit nga kategorya.
Kaupod an ukyanan hin duha ka-adlaw han mga participante, tikang liwat han Borongan City Government an mga masunod nga mga pahalipay nga makakarawat han mga magdada-og han tournament:
Men’s Open
Champion Php 20,000.00
1st runner up Php 10,000.00
Women’s Open
Champion Php 20,000.00
1st runner up Php 10,000.00
Under 17
Champion Php 10,000.00
1st runner up Php 5,000.00
Under 12
Champion Php 5,000.00
1st runner up Php 3,000.00
Ginlala-uman nga buwas hit kulop in makakapag-awarding na han mga da-og nga football clubs ha upat nga kategorya.
Ini nga tournament in pinangunahan han Borongan City Football Club nga padayon nga sinusuportahan han Borongan City government.
#FunBorongan
